ယုမွန်ကျော်
အဆိုတော် မိုးမိုး (ခ) မိုးစည်သူကျော်နဲ့ ဖြူသီမျိုးလွင် (ခ) ဘုံဘုံတို့ရဲ့ မင်္ဂလာဧည့်ခံပွဲကို ဧပြီ ၂၁ ရက်နေ့က Sedona Hotel မှာ ကျင်းပခဲ့ပါတယ်။ ဘာသတင်းမှ မကြားရဘဲ ရုတ်တရက် မင်္ဂလာဧည့ခံပွဲ လုပ်လိုက်တဲ့ မိုးမိုးကို အင်တာဗျူးရန်အတွက် ရန်ကင်းမှာ ရှိတဲ့ မိုးမိုးရဲ့အိမ်ကို မင်္ဂလာပွဲပြီးနောက် နှစ်ရက်အကြာမှာ သွားခဲ့ပါတယ်။ မိုးမိုးရဲ့ ဇနီး ဘုံဘုံကတော့ အပြင်ခဏ သွားနေတယ်ဆိုလို့ မိုးမိုးကို အရင် မေးမြန်းခဲ့ပါတယ်။
မိုးမိုးရဲ့ 'တနင်္ဂနွေ မိုးရေစက်များ' vcd က ဘယ်တော့ထွက်ဖြစ်မလဲ။
အခု ဆင်ဆာတင်ထားတာ မကျသေးလို့ပါ။ ဆင်ဆာ ပြီးတာနဲ့ ထွက်မှာပါ။
ခွေ ထွက်ရင် Promotion ရော လုပ်ဖြစ်ဦးမလား။
လုပ်ဖြစ်ပါမယ်။ အခုက အခွေမာစတာက လက်ထဲ မရောက်သေးတော့ မစဥ်းစားရသေးဘူး။
Hip hop သီချင်းတွေမှာ အတီးပိုင်း တီးပေးပေမယ့် မိုးမိုး အားသန်တာက Rock ဂီတနဲ့တူတယ်။
ကျွန်တော့်သီချင်းတွေကို Rock ဖြစ်တာ ပိုသဘောကျတယ်။ Altarnative တို့ Emo တို့ပေါ့နော်။ Rock က အဆိုပိုင်းမှာ အားသန်တယ်။ Hip hop ကတော့ အတီးပိုင်းပေါ့။ကျွန်တော် အများဆုံး တီးပေးဖြစ်တာက စိုင်းစိုင်းရဲ့ သီချင်းတွေပါ။ အခု 'အဲဗားဂေါ်လီ' ခွေမှာလည်း တီးပေးထားတယ်။ 'မလွမ်းလောက်ပါဘူး' သီချင်းတစ်ပုဒ်ကိုလည်း ဆိုထားတယ်။
မိုးမိုးကို ပရိသတ်က လူရွှင်တော်အဖြစ် အားပေးလက်ခံကြတယ်။ မိုးမိုးကရော ကိုယ့်ကိုယ်ကိုယ် လူရွှင်တော်တစ်ယောက်အဖြစ်ရော မြင်လား။
ကိုယ့်ကိုယ်ကိုယ်တော့ မမြင်ပါဘူး။ ဒါပေမဲ့ ကျွန်တော်တို့ တစ်ခါတစ်ရံမှာ သူငယ်ချင်းတွေ စုပြီး ဆိုင်မှာ ထိုင်ဖြစ်နေချိန်တော့ တခြားသူတွေက သူငယ်ချင်းတွေက ပြော ကြတယ်။ မိုးမိုးက ရယ်ရတယ်၊ ပျော်စရာကောင်းတယ်၊ တစ်ခါတလေပါ။ အမြဲတမ်းတော့ မဟုတ်ဘူး။
မိုးမိုးရဲ့ စိတ်က ဘယ်လိုမျိုးလဲ။
အဲလိုပဲ စနောက်နေတာပဲ။ တစခါတလေ ကိုယ်နဲ့ ပေါင်းသင်းတဲ့သူတွေက ကိုယ့်အကြောင်း သိလို့ ဗွေမယူကြပေမယ့် တစ်ခါတလေကျရင်တော့ ကျွန်တော် စတာတွေက အရမ်း strong ဖြစ်သွားတယ်။
ဒါဆို အပြင်မှာလည်း မိုးမိုးက အကျီစားသန်တဲ့သူပေါ့။
သူတို့ကို ပျော်စရာလေးတွေ ပြောရင်း နောက်လိုက်တဲ့အခါကျရင် သူလည်း ပျော်သွားမယ်။ အားလုံးလည်း ပျော်စရာကောင်းသွားမယ်ထင်လို့ ကျီစားတာပါ။
နောက်ပိုင်းမှာ ဇာတ်ကားတွေရိုက်ဖို့ လာငှားရင် ဟာသဇာတ်တွေပဲဖြစ်နေမလား။
အခုနောက်ပိုင်း ရိုက်တဲ့ကားက ဟာသခြောက်ကားလောက် ရှိတယ်။ ကောမစ်ကို ဦးစားပေးတာလည်း များတယ်။ ဒရမ်မာက ၁ ကားလောက်ပဲ ရိုက်ရတယ်။ နောက်ပြီး မြင့်မြတ်၊ ချစ်သုေဝတို့နဲ့ လျှို့ဝှက်သည်းဖို တစ်ကားလည်း ရှိတယ်။ အခုနောက်ဆုံး ရိုက်ထားတာက 'ဘာညာအထာ' ဆိုတဲ့ ကား။ အဲဒီကားမှာလည်း မိန်းကလေးလို ဝတ်ရတာပဲ။ နေတိုးနဲ့ကျတော့ ညီအစ်ကိုလို ဖြစ်နေတော့ မိုးမိုးရယ် ဟိုဟာလေး လုပ်ပေးပါဦး ဆိုရင် လုပ်ရတယ်။ ဒုတိယအကြိမ်မြောက် သန္နၘာန်ချထားပါတယ်။ ဒီကားက မိန်းမလို ဝတ်တာနောက်ဆုံးကားပါလို့။
မိန်းမလို ဝတ်ပြီး မရိုက်တော့ဘူးဆိုတာ ပရိသတ် ရိုးသွားမှာ စိုးလို့လား။
ဟုတ်တယ်ဗျ။ ကျွန်တော့်ကို မိန်းကလေးနဲ့ တူတယ်၊ လုပ်စားတယ် ထင်မှာစိုးလို့။ အခု ကျွန်တော် မင်္ဂလာဆောင်တော့လည်း သူငယ်ချင်းတွေက မိုးမိုး ယောက်ျားရသွားပြီ ဆိုပြီး နောက်ကျတယ်။ စတာ နောက်တာက ပြဿနာ မဟုတ်ပါဘူး။ မိုးမိုးဆိုတာ မိန်းမလျာထင်မှာ စိုးလို့ပါ။
ဇာတ်ကားတွေ လက်ခံတဲ့အခါ ဒိုင်ယာလောခ့်တွေက မိုးမိုးအတွက် အဆင်ပြေမှုရှိလား။
ပြေတယ်ဗျာ။ ဟိုတုန်းတည်းက ကျွန်တော်က ဒါကို လူမသိ သူမသိ လေ့ကျင့်တယ်ဗျ။ ဘာလို့လဲဆိုတော့ ဒိုင်ယာလောခ့်ကိုတော့ မဟုတ်ပါဘူး။ စကားပြောတာကိုပါ။ စကားပြောရင် သေချာစဥ်းစားပြီးမှ ပြောတဲ့အကျင့် ရှိတယ်လေ။ ဒိုင်ယာလောခ့်ကလည်း မခက်ပါဘူး။
အခု မင်္ဂလာပွဲ ပြီးတော့ရော မိုးမိုး ဘာတွေလုပ်နေလဲ။ အလုပ်တွေ နားထားလား။
မင်္ဂလာပွဲ မတိုင်ခင်ကလည်း သႄကၤန်ဆိုတော့ အလုပ်မလုပ်ဘဲ နားထားကြတာကိုး။ သင်္ကြန်ပြီးတော့ ကျွန်တော်က မင်္ဂလာဆောင် ထလုပ်လိုက်တာကိုး။ အခု မင်္ဂလာပွဲ ပြီးတော့ ကျွန်တော် ဒီနေ့ စတူဒီယိုအခန်းထဲကနေ မနက်ကတည်းက မထွက်ရသေးဘူး။ တစ်နေကုန်ပဲ။ မနေ့ကလည်း တီးရတာ။ ဒီနေ့လည်း တစ်နေကုန်ပဲ။ အခု လောလောဆယ်က ကျွန်တော် အတီးပိုင်းရယ်။ စောစောက ပြောခဲ့တဲ့ ကျွန်တော် vcd ဆင်ဆာတင်ထားတာရယ် လုပ်နေတာပေါ့။ နောက်စီးရီး ထွက်နိုင်ဖို့လည်း သီချင်းတွေ စုနေရတယ်။
နောက်စီးရီးထွက်ဖို့က ၂၀၀၉ ခုနှစ် အတွင်းမှာပဲ ဖြစ်မလား။
နောက်စီးရီးက ကျွန်တော် တရားဝင်ပြောချင်တာက စီးရီးနာမည်ကို ကျွန်တော်က 'ပျော်ရာနိဗ္ဗာန်' လို့ ပေးထားပါတယ်။ ဒါပေမဲ့ J.Me ရဲ့ အခွေကလည်း ဘာလဲ မသိဘူး နိဗ္ဗာန်တော့ ပါမယ် ထင်တယ်။ အဲဒီအခါကျရင် ကျွန်တော့ရဲ့ 'ပျော်ရာ နိဗ္ဗာန်' ကို ပြောင်းဖြစ်ရင် ပြောင်းဖြစ်မှာပါ။ ၂၀၀၉ ခုနှစ်အတွင်းမှာ ထွက်ဖို့ အစီအစဥ်တော့ ရှိပါတယ်။ ဒါပေမဲ့ ကြားထဲမှာ အခွေထွက်လာဦးမလား မသိဘူး။
ဟုတ်ကဲ့ပါ။ မိုးမိုးရဲ့ ဂီတအကြောင်း မေးပြီးပြီဆိုတော့ မိုးမိုးနဲ့ မိုးမိုး ကောင်မလေးတို့ ဘယ်လို စတွေ့တယ်ဆိုတဲ့အကြောင်းလည်း ပြောပြပါဦး။
ဘယ်လို စသိလဲဆိုတော့ မုံရွာမှာ သူနဲ့ ကျွန်တော်က ၅ တန်းကတည်းက တစ်ကျောင်းတည်း အတူတက်ခဲ့ကြတာလေ။ ကျွန်တော်က A ခန်းမှာ၊ သူက B ခန်းမှာ။ အမှတ်နဲ့ခွဲလိုက်တော့ A ခန်း၊ B ခန်း ပေါ့နော်။ ဒါပေမဲ့ ကျွန်တော့်ကိုA ခန်း နေရလို့ အထင်မကြီးလိုက်နဲ့။ မိန်းကလေးက မိန်းကလေး အမှတ်လိုက်၊ ယောက်ျားလေးက ယောက်ျားလေး အမှတ်လိုက်လေ။ ကျွန်တော့် ရှေ့မှာ တော်တဲ့ ယောက်ျားလေး နည်းလို့ ကျွန်တော်က A ခန်း ရတာ ပါ။ သူကကျတော့ မိန်းကလေးထဲမှာ တော်တဲ့သူများတော့ B ခန်း ရောက်သွားတာ။ ဒါပေမဲ့ သူက အမြဲတမ်း B ခန်းပဲဟဲ ဟဲ။ ကျွန်တော်ကလည်း အမြဲတမ်း A ခန်း ပဲလေ။
အမြဲ A ခန်းနဲ့ B ခန်း ဆိုတော့ ဘယ်လို ဆုံဖြစ်ကြလဲ။
ကျောင်းမှာ သိပ်မဆုံဘူး။ သူတို့ အခန်းဘက်တွေတော့ ကျွန်တော်က သွားဖူးတယ်။ ယောက်ျားလေးဆိုတော့ သိတယ် မဟုတ်လား။လျှောက်သွားတာလေ။
သူ့ကို ဘယ်အချိန်ကျမှ စကြိုက်ခဲ့တာလဲ။ ၅ တန်းကတည်းကလား။
၅ တန်းတုန်းက မကြိုက်ဘူး။ ၁၀ တန်း အောင်ပြီးမှလေ။ ၁၀ တန်းကျတော့ ကျွန်တော်တို့က ရန်ကုန်ကို ရောက်လာကြတာလေ။ ရန်ကုန်ရောက်တော့ ကိုယ့်နယ်သူ နယ်သားတွေဆိုတော့ မေးထူးခေါ်ပြော နှုတ်ဆက်ကြတာပေါ့။ ဒီလိုနဲ့ ကျွန်တော်က ရေကြောင်းသိပ္ပံ တက်တယ်။ သင်တန်းဖွင့်ပြီးနောက် မေလ ၆ ရက် နေ့ကျတော့ သူနဲ့ ကျွန်တော် ကြိုက်တယ်။
ဘယ်နှခုနှစ်လောက်ကလဲ။
၂၀၀၁ ခုနှစ် မေလ ၆ ရက်နေ့ပါ။
ဒါဆို တစ်ခု မေးလို့ ရမလား။ သူ့ အရင် မိုးမိုးရည်းစား ဘယ်နှယောက် ထားခဲ့ဖူးလဲ။
ရပါတယ်။ သူလည်း သိတယ်။ကျွန်တော် ရည်းစား ဘယ်နှယောက် ထားခဲ့လဲဆိုတာ သူ့အရင် ကျွန်တော် ရည်းစား နှစ်ယောက် ခွဲလောက်ထားခဲ့ဖူးတယ်။
ဘယ်လိုကြောင့် နှစ်ယောက် ခွဲလဲ။ ခွဲက ဘာလဲ။
ခွဲ ဆိုတာက အီစီကလီပေါ့နော်။ ရည်းစားမဖြစ်ပေါ့။ နှစ်ယောက်ကျော် ကျော်ပေါ့။
မိုးမိုးအနေနဲ့ ဘုံဘုံကို လက်ထပ်မယ်လို့ ဘယ်အချိန်ကျမှ ဘယ်လိုကြောင့် ဆုံးဖြတ်ဖြစ်သွားတာလဲ။
စကြိုက်တုန်းကတော့ ကလေးပေါ့။ လွန်ခဲ့တဲ့ ၈ နှစ်လောက်ဆိုတော့။ အဲဒီတုန်းက ကျွန်တော့ အသက်ကလည်း ၁၈ နှစ်လေ။ လက်ထပ်တာတွေတော့ ခေါင်းထဲမှာ မရှိသေးဘူး။ ဒီလိုပဲ ကြိုက်လိုက်တာ။ အဲဒီတုန်းကလည်း ကျွန်တော်နဲ့ စကြိုက်ပြီး နောက်ရက်ပဲ သူ မလေးရှားကို ထွက်သွားတယ်။ ဒါပေမဲ့ Flight Cancel ဖြစ်ပြီးနောက် လေးရက်ဆုတ်သွားတာတော့ ကျွန်တော် မသိလိုက်ဘူး။ ကျွန်တော်တို့ ရေကြောင်းသိပ္ပံက စနေ၊ တနင်္ဂနွေပဲ ပိတ်တာကိုး။ မေလ ခြောက်ရက်က စနေနေ့ ထင်တယ်။ ပြီးတော့ ကျွန်တော်က ကျောင်းထဲရောက်သွားတော့ သူ သွားဖို့ လေးရက်လောက်နောက်ဆုတ်လိုက်ရတာကို ကျွန်တော် မသိဘူး။ ကျွန်တော့်စိတ်ထဲမှာတော့ ကျွန်တော်နဲ့ သူ ရည်းစားဖြစ်၊ နောက်နေ့ သူ မလေးရှား ထွက်သွားတယ်လို့ ဒီနေ့အထိ စိတ်ထဲမှာ ထင်နေတုန်းပဲ။ နောက် ရှစ်လလောက် ကြာတော့ သူ ပြန်လာတယ်။ သူ ပြန်လာတော့ သူနဲ့ နှစ်ရက်လောက်ပဲ တွေ့လိုက်ရတယ်။ ကျောင်းကလည်း မပြီးသေးဘူးကိုး။ စနေ၊ တနင်္ဂနွေ နှစ်ရက် တွေ့လိုက်ရ ပြီး နောက် သူ မလေးရှားကို ပြန် ထွက်သွားတယ်။ မလေးရှားမှာ နှစ် နှစ်နေတယ်။ ပြီးတော့ စင်ကာပူမှာ တစ်နှစ် နေတယ်။ စုစုပေါင်း သုံးနှစ်ပေါ့။ ပြီးတော့ သူပြန်လာတယ်။ အဲဒီအချိန်ထိ သူနဲ့ လက်ထပ်မယ် ဆိုတဲ့ စိတ်ကူးမရှိသေးဘူး။ သူ ပြန်လာပြီး ၁၀ လ ၁၁ လလောက် နေတယ်။ ပြီးတော့ စင်ကာပူကို ပြန်ထွက်သွားတယ်။ အဲဒီအခါကျမှ ကျွန်တော်နဲ့ သူ ကြိုက်လာတာ တစ တစနဲ့ လေးနှစ်လောက် ဖြစ်သွားပြီ။ လေးနှစ်ကျော် ငါးနှစ်ကျော် ဖြစ်သွားတဲ့အခါ 'ငါ ဒီမိန်းကလေးကို ဘာဖြစ်လို့ အဲဒီလောက် အကြာကြီး တွဲဖြစ်တာလဲ' လို့ ကိုယ့်ကိုယ်ကိုယ်လည်းမေးတော့ စောစောက အစ်မ မေးသလို ဘာကြောင့်လက်ထပ်ဖို့ ဆုံးဖြတ်လိုက်တာလဲနော်။ အဲဒီတော့မှ ငါ ဒီ မိန်းကလေးကို လက်ထပ်မယ်လို့ ဆုံးဖြတ်လိုက်တာ မဟုတ်ဘူး။ ခေါင်းထဲမှာ ဒီ မိန်းကလေးနဲ့ လက်ထပ်မယ် ဆိုတဲ့ဟာကို အလိုလို ဝင်နေပြီးသား၊ ရှိပြီးသား ဖြစ်နေပြီ။ ဘယ်အချိန်က ဆုံးဖြတ်လိုက်တာလဲဆိုတာကတော့ မသိဘူး။ ဒါဟာ ငါနဲ့ လက်ထပ်မယ့် မိန်းကလေး။ ဒါ ဇနီးလောင်းလို့ ဖြစ်နေပြီ။ ကျွန်တော်မသိလိုက်တဲ့အချိန်ကတည်းက ကျွန်တော့ ဦးနှောက်က ဆုံးဖြတ်ပြီးသား ဖြစ်နေတာ။
သူက မိုးမိုးအပေါ်မှာ သဝန်တိုတတ်လား။
တိုတော့ တိုတတ်တယ်ဗျ။ သူက limit နဲ့ တိုတာ။ သူ့ရဲ့ ဖလော်ပေါ့။ ဒီလောက်ဆို ငါ သဝန်တိုသင့်တယ်။ ဒီလောက်ဆို မတိုသင့်ဘူး။ တခြား မိန်းကလေးတွေနဲ
